ئالاقىدار خەۋەرلەر

يېسسىۋېلەكنىڭ رولىغا سەل قارىماڭ
ۋاقىت: 2016/10/11 11:27:00| يوللىغۇچى: قۇتيول

يېسسىۋېلەك تەركىبىدىكى كالتسىي بىلەن ۋىتامىن C ئالما ۋە نەشپۈت تەركىبىدىكى ۋىتامىن Cدىن يۇقىرى بولغاندىن سىرت، تەركىبىدە يەنە ۋىتامىن B1 ناھايىتى مول. شۇڭا، چوڭلار يېسسىۋېلەكتىن كۈنىگە 400 گىرام ئەتراپىدا ئىستېمال قىلىپ بەرسە بەدەننىڭ ۋىتامىن Cغا بولغان ئېھتىياجىنى قاندۇرغىلى بولىدۇ. بولۇپمۇ يېسسىۋېلەكنىڭ تەركىبىدىكى مىكرو ئېلېمېنت سىنكقا سەل قاراشقا بولمايدۇ. يېسسىۋېلەك تەركىبىدىكى سىنكنىڭ مىقدارى ئادەتتىكى كۆكتاتلاردىنلا ئەمەس، بەلكى گۆش، تۇخۇم قاتارلىقلارنىڭ تەركىبىدىكى سىنكتىنمۇ يۇقىرى. سىنك بالىلارنىڭ ئۆسۈپ يېتىلىشىنى ئىلگىرى سۈرىدۇ. يېسسىۋېلەك تەركىبىدە يەنە مانگان، مىس، مولىبدېن قاتارلىقلارنىڭ مىقدارىمۇ ناھايىتى مول. مانگان ئادەمنىڭ مەركىزىي نېرۋا پائالىيىتى بىلەن زىچ مۇناسىۋەتلىك، مىس بولسا بەدەننىڭ قان ئىشلەپچىقىرىش ئىقتىدارىنى كۈچەيتىدۇ، مولىبدېن بەدەندە نېتروزامىننىڭ شەكىللىنىشىنى چەكلەپ، راكقا قارشى تۇرۇش رولىنى ئوينايدۇ. شۇڭا، يېسسىۋېلەكنى دائىم نورمال مىقداردا ئىستېمال قىلىپ تۇرۇشنىڭ يۈرەك قان تومۇر كېسىلى، قەنت كېسىلى ۋە قەۋزىيەت قاتارلىق كېسەللىكلەرنىڭ ئالدىنى ئېلىش ۋە داۋالاشتىكى رولى ناھايىتى چوڭ، ئۇنىڭ يەنە قېرىشنى مەلۇم دەرىجىدە كېچىكتۈرۈش رولىمۇ بار.

ئۈندىدار سالونىمىزنى قوشىۋىلىڭ. ئىزدەش نۇمۇرى: KutyolNet

بېكەت ھەققىدە ئالاقلىشىڭ ھەمكارلىشىڭ سۆز قالدۇرۇڭ شىنجاڭ قۇتيول ئىلانچىلىق شىركىتى - 新疆酷德优广告有限公司
新ICP备14000049号-1 HosulCms تىن پايدىلىنىپ ياسالدى.